Печатница Софија е компанија со тридецениско искуство во печатарската индустрија, препознатлива по својата широка палета висококвалитетни производи и соработката со голем број реномирани компании од земјата и од странство. Печатницата е специјализирана за производство на фина амбалажа која се користи во фармацевтската, прехранбената, козметичката индустрија и др.
Нашата приказна започна во 1991 година, во една мала просторија во Богданци. Стартувавме како скромен семеен бизнис, водени од мотивот уметничката традиција во семејството да ја надградиме во успешна бизнис приказна. Низ годините, компанијата постојано растеше и се развиваше преку постојани инвестиции во нови технологии и посветена работа во сите сегменти од печатарската дејност. Денес Печатница Софија е една од најголемите компании во графичката индустрија во Северна Македонија. Располага со вкупна работна површина над 3.000 метри квадратни и целосно заокружен техничко – технолошки процес за производство на печатен графички материјал и фина амбалажа од микровал, од идеја до реализација. Опремена е со машини од програмата на реномираниот германски производител Heidelberg кои гарантираат висок квалитет на печат.
Покрај класичните печатарски производи (книги, списанија, рекламен материјал, календари, нотеси, етикети, хартиени кеси, папки итн.), Печатницата Софија се профилираше како производител на метализиран картон, кој се користи за изработка на фина амбалажа, како и производство на микровал од 100% целулоза, сертифициран за директен допир со храна. Печатницата исто така има можност за печатење со софистицирана UV технологија. Тимот на Печатница Софија е составен од искусни професионалци кои се целосно посветени на производството на врвни производи и на грижата за корисниците. Дополнително, компанијата е целосно отворена за вработување млади луѓе со што го поддржува локалниот економски развој. Печатницата во својот состав има и одделение за графички дизајн и подготовка за печат што овозможува клиентите да добијат целосна услуга, од осмислување до финален производ Покрај производствениот погон во Богданци, компанијата има и претставништво во Скопје, со цел полесна комуникација со клиентите од целата држава. Нашите производи се застапени и во земјите од регионот преку соработката со реномирани компании од Грција, Србија, Косово и Албанија.
